哈哈，估唔到我會再次執筆，再寫日記...... 睇番，原來自己懶左成年幾，都無寫過...... 至於點解會再寫，係因為今次唔寫唔得，可以算係一生人最開心的時候了....... 原因係去完泰國五天超好玩團............ 地點：泰國芭提雅、曼谷 人數：五人 ─ 阿度、人地個家姐 (阿度的家姐)、阿琛、PETER、我 總共天數：五日 話說我仲係大陸實習緊個時呢，突然收到風話阿度佢地會去泰國玩，所以一心諗住 同阿達佢地一番到香港立即報團....如是者番到香港個時，阿達同我就去左銅鑼灣個到報團.... 點知最衰都係我把死人口.....開口中，講中左，我同阿達是但一個去........都搞左一輪 最後都係無辨法，兩個只能活一個..........係到真係要同阿達講聲對唔住，搞到佢無得去 得我一個人出發，之後報完團.....中間個D時間都係買下日用品...... 直到出發前一日先發覺有好多野未執，真係死...=0= 六月二十六號 天陰大雨 今日係出發的日子，睇一睇個天....唉，心裡面己經唔係好開心...... 勁大雨，都無計，都要出發，都不知幾咁唔好彩，竟然等唔到車 本來預早半個鐘頭到，點知結果係時間剛剛好 去到一落車立即過去搵阿度佢地......會合曬之後....就走去導遊面前..... 起初見到個導遊呢，心想。唉，今次真係慘，跟著個悶蛋.... 不過都無乜所為，集合其他團友....之後，我就快眼咁打量曬每位團友 覺得個個都麻麻地，諗住今次有排悶了.....不過都算，都無理 之後就上飛機了.......上到飛機，我第一時間祈個禱先，因為今次搭華航 真係驚驚怕怕..... 不過今次個感覺都比我覺得好特別，因為呢！今次係我第一次.... 第一次整完飛機之後，再搭飛機，原來個感覺可以真係咁唔同 以前搭飛機根本就無諗過咁多野，只係覺得好興奮，因為可以搭飛機 另外仲會覺得，係非常驚的一回事....因為本人係有畏高的......所以係好驚 但今次搭飛機，竟然，一點兒驚的感覺都無，只係諗住去到泰國要點玩..... 飛機大約飛了兩個幾鐘，就到達今次的目的地了....係步出機倉前，都唔少得要同空姐拍個照先 落地了，之後上了旅遊巴，開始出發去第一個站.....去SHOPPING ~~去左CENTRAL WORLD~~ 係車程入面都係同阿度佢地吹下水呀個D....風花說月一輪之後終於都到左..... 去到又係買手信的時候了，係咁買呀買，仲去左附近個個BIG C的超市，真係好正，好大.... 之後上番去食第一餐晚飯，真係同之前黎唔同，好好味~~ 食完，之後又去左行曼谷的夜市，都無乜野買，買左D無聊野 又差唔多番酒店了 上到房我終於見到我的同房，原來係一位伯伯黎，佢都好好人~~因為我成日出出入入 佢都無咩野講，最好人係我夜左番，佢唔熄燈訓，等我番黎先熄...真係好人 咁就完左第一日了 | 